گھوٹکی، کچے کے علاقے میں ڈاکوؤں کی پولیس پر فائرنگ، 3 اہلکار شہید

اسلام ٹائمز۔ گھوٹکی میں کچے کے علاقے رونتی تھانے کے قریب ڈاکوؤں نے پولیس پر فائرنگ کر دی جس کے نتیجے میں 3 اہلکار شہید ہوگئے۔ ایس ایس پی سمیر نور کے مطابق پولیس اہلکاروں کو ڈیوٹی پر جاتے ہوئے نشانہ بنایا گیا، شہید اہلکاروں میں عبدالسمیع سموں، عبدالحنان اور شفیق احمد گل شامل ہیں۔ انہوں نے بتایا کہ حملے کے بعد ملزمان فرار ہوگئے جس کے بعد ناکہ بندی کرکے تلاش شروع کردی گئی ہے۔