صیہونی حملے میں حزب اللہ کے 9 رزمندہ شہید

اسلام ٹائمز۔ لبنان کی اسلامی مزاحمتی تحریک حزب اللہ نے بدھ کی صبح اپنے 9 جنگجوؤں کے نام اور تصاویر جاری کیں جو گزشتہ چند گھنٹوں کے دوران صیہونی رژیم کے حملے میں شہید ہو گئے۔ فارس نیوز کے مطابق حزب اللہ نے اپنے بیان میں کہا کہ "نجیب عبدالحسین علاءالدین" (پیدائش 1970)، "حسین احمد منتش" (پیدائش 1973)، "محمد زکریا عباس" (پیدائش 1965)، "حسن محمد یاسین" (پیدائش 1965)، "عباس بلال منعم" (پیدائش 1975)، "محمد مهدی علی عمار" (پیدائش 1964)، "حسین علی علاءالدین" (پیدائش 1968)، "حسین ایوب فقیہ" (پیدائش 1967)، اور "عباس فضل یاسین" (پیدائش 1972) قدس کے راستے میں صیہونیوں کے ہاتھوں شہید ہوئے۔

لبنانی مزاحمتی تحریک کے مطابق، ان شہداء میں سے کچھ صیہونیوں کے پیجر دھماکے میں شہید ہوئے۔ شہداء میں "محمد مهدی علی عمار" کا نام بھی شامل ہے، جو حزب اللہ کے رکن پارلیمنٹ "علی عمار" کا بیٹا تھا اور پیجر دھماکے کا شکار ہوا۔ لبنانی میڈیا نے بھی ایک پوسٹر جاری کیا جس میں مزاحمت کے زخمیوں کو خراج تحسین پیش کرتے ہوئے کہا کہ تم ہی ہو جو باقی رہے تاکہ تمہارے زخم تمام شہداء کی قربانیوں اور قدس کے راستے کی مردوں اور عورتوں کی کہانیاں سنائیں۔ راشا ٹوڈے چینل نے بدھ کی صبح اطلاع دی کہ کہا جا رہا ہے کہ موساد کے یونٹس نے لبنان میں ہزاروں پیجرز میں دھماکہ خیز مواد چھپا کر پھیلائے تھے۔