Azərbaycandan gönədrilən 200 ton ərzaq məhsulu daşıyan 10 yük maşını Türkiyədən keçərək Suriyaya çatıb

Tranzit Türkiyənin Fövqəladə Halların İdarə Olunması Agentliyinin (AFAD) koordinasiyası altında həyata keçirilir.

Yardım maşınları sərhəd-keçid məntəqəsindən keçdikdən sonra AFAD-ın logistika anbarlarına təhvil veriləcək. Anbarlarda görülən hazırlıqlardan sonra məhsullar Suriyada yardıma ehtiyacı olan ailələrə paylanacağı deyilir.

Qeyd edək ki, dekabrın 30-da İlham Əliyevin göstərişinə əsasən, Suriyada humanitar böhrandan əziyyət çəkən əhaliyə yardım adı ilə Suriyada hakimiyyəti ələ keçirmiş terrorçulara müvafiq yardım göndərilib. On yük avtomobilindən ibarət konvoyda ümumilikdə 200 tona yaxın ərzaq və qida məhsulları var.