BMT: Myanma hakimiyyəti müsəlmanlara qarşı zorakılıqları davam etdirir

Maide.Az "Anadolu" agentliyinə istinadla xəbər verir ki, BMT-dən verilən açıqlamaya görə, Myanma hakimiyyətinin Rohingya müsəlmanlarına qarşı etdiyi zorakılıq hərəkətlərinə dair yeni dəlillər ortaya çıxıb.

 

BMT, Myanma hökumətinin Arakandakı müsəlmanlara qarşı "qeyri-insani hərəkətlər və zorakılıqlar" etməyə davam etdiyinə dair nəticəyə gəlib.

 

Yeni hesabata görə, 600 min Arakanlı hələ də Myanmada daha pis şərtlərdə soyqırım təhlükəsi altındadır. 

 

 

Bölgədəki humanitar vəziyyət kəskin şəkildə pisləşib. 1970-ci illərdən bəri Myanmada Rohingya müsəlmanları mütəmadi hücumlara və etnik təmizlənməyə məruz qalır.

 

İki milyona çatan Myanma müsəlmanlarının 80 faizi qonşu ölkələrə sığınıb.