“Müsəlman qardaşları” hərəkatının ruhani lideri 96 yaşında vəfat edib

Mətbuatda onun bir neçə ay əvvəl koronavirusa yoluxduğu barədə xəbərlər dərc edilmişdi.

Yusif əl-Qərdavi dünyanın ən nüfuzlu müsəlmanlarından biri hesab edilirdi.

Qeyd edək ki, Yusif əl-Qərdavi 1926-cı il sentyabrın 9-da Misirin Saft əl-Turab kəndində anadan olub.

O, 1949-1953-cü illərdə Misirin məşhur Əl-Əzhər universitetində oxuyub. Siyasi baxışlarına görə üç dəfə həbs həyatı yaşayıb. Daha çox “Əl-Cəzirə” kanalında apardığı şəriət verilişinə görə şöhrət qazanmışdı.

Qərdavi 100-dən artıq kitab və məqalənin müəllifidir.

Mənbə: Reuters