Suriya ordusu 8 illik işğaldan sonra Dəməşq-Hələb yolunu terrorçulardan azad etdi

Deyerler.org SANA-ya istinadən xəbər verir ki, avtomagistralın açılmasıyla Dəməşq-Hələb arasındakı kəsilməz əlaqə 2012-ci ildən etibarən ilk dəfə təmin edilib.
Bu arada, Suriya ordusu Hələbin cənub-qərb ətrafında əməliyyatlarını davam etdirərək, Kəfr Hələb, Kanatər və Kəmari kəndlərini terrorçulardan təmizləyib.
SANA-nın müxbiri Suriya ordusunun Hələbin cənub-qərb ətrafına düşən Əl-Bəvvabiyə, Əl-Ksəybiyə, Təl-Hidyə, Əl-Zirbə, Əl-Barkum və Zirai Araşdırmalar Mərkəzini azad etməsindən 24 saat keçməmiş Hələb-İdlib beynəlxalq avtomagistralının qərbinə düşən Kəfr Hələb, Kanatər və Kəmari kəndlərini terrorçulardan azad etdiyini bildirib.