Ali Rəhbərin Suriya olayları ilə bağlı ilk açıqlaması

İran İslam İnqilabının Aliməqamlı Rəhbəri xalqın müxtəlif təbəqələrdən ibarət böyük bir qrupu ilə görüşündə bildiriblər ki, Suriyada baş verənlərin əsas səbəbi Amerika və İsrailin komandanlıq otağında planlaşdırıldığına şübhə yoxdur.
İslam İnqilabının Böyük Rəhbəri Ayətullahül-üzma Xamenei bu gün çərşənbə günü müxtəlif təbəqələrdən olan minlərlə insanın iştirakı ilə keçirilən tədbirdə deyib: “Suriyada baş verənlərin Amerika və sionistlərin ortaq planının məhsulu olduğuna heç bir şübhə olmamalıdır”.
O həzrət əlavə edib: “Bəli, Suriyaya qonşu bir hökumət bu sahədə açıq-aşkar rol oynayır və oynayıb və indi də oynamaqdadır - bunu hamı görür - amma əsas amil, əsas fitnəçi və əsas plan cızan Amerika və sionist rejimin komandanlıq otağıdır. İpuclarımız var. Bu sübutlar insana heç bir şübhə yeri qoymur”.
İnqilab Rəhbəri sonra buyurub: “Sizə deyirəm ki, İlahi yardım nəticəsində müqavimətin miqyası keçmişdən daha çox bütün bölgəni əhatə edəcək. Bu, müqavimətdir, müqavimət cəbhəsi budur: Nə qədər sıxsan, güclənəcək, cinayət törətdikcə daha da motivasiyalı olacaq. Onlarla nə qədər çox mübarizə aparsanız, bir o qədər geniş yayılacaq və sizə deyirəm ki, İlahi yardım nəticəsində müqavimətin miqyası keçmişdən daha çox bütün bölgəni əhatə edəcəkdir”.
Aliməqamlı Rəhbər sonra bildirib: “Müqavimətin mənasını bilməyən o cahil analitik, müqavimət zəiflədikcə İslami İranın da zəifləyəcəyini düşünür. Mən isə deyirəm ki, İran güclü və qüdrətlidir və Allahın izni və yardımı ilə daha da güclənəcək”.
Həzrət Ayətullahül-üzma Xamenei Suriyadakı hücumçuların vəziyyətini izah etməyə davam edərək deyib: “Təbii ki, qeyd etdiyim bu hücumçuların hər birinin bir məqsədi var. Bir-birləri ilə hədəfləri fərqlidir. Bəziləri Suriyanın şimalından və ya Suriyanın cənubundan torpaq ələ keçirməyə can atır, Amerika regionda möhkəmlənmək istəyir. Məqsədləri bunlardır və zaman göstərəcək ki, inşallah, heç biri bu məqsədlərə nail olmayacaqlar”.
Aliməqamlı Rəhbər Suriyanın gələcəyinə ümid bəslədiyini bildirərək qeyd edib: “Suriyanın işğal olunmuş bölgələri qeyrətli suriyalı gənclər tərəfindən azad ediləcək. Bunun baş verəcəyinə şübhə etməyin. Amerikanın da ayağı möhkəmlənməyəcək, Allahın lütfü ilə, Allahın qüdrəti ilə, Amerika da müqavimət cəbhəsi vasitəsilə bölgədən qovulacaq”.