Yəmən Təl-Əvivə hipersəs raketi ilə zərbə endirib

Bəyanatda deyilir:

Mərhəmətli və Rəhmli Allahın adı ilə!

Məzlum Fələstin xalqı və onların azadlıq döyüşçüləri ilə həmrəylik əlaməti olaraq, İsrail düşməninin Qəzzə zolağındakı qardaşlarımıza qarşı cinayətlərinə cavab olaraq Yəmən Silahlı Qüvvələrinin raket qüvvələri Allahın lütfü ilə əməliyyat keçirib. "Fələstin-2" tipli hipersəs raketi ilə işğal olunmuş Yəffada (Tel-Əviv) strateji əhəmiyyətli hədəfi vurduq.

Raket Allahın izni ilə hədəfi uğurla vurdu.

Yəmən Silahlı Qüvvələri, düşmənin Qəzzə zolağında davam edən cinayətlərini nəzərə alaraq, Qəzzə zolağında və İordan çayının qərb sahilində azadlıq döyüşçülərinə dəstək və yardım göstərməklə dini, mənəvi və humanitar borcunu yerinə yetirərək, raket və pilotsuz təyyarələrdən istifadə edərək hərbi əməliyyatlarını artıracaq.