Keçmiş CIA analitiki: Putin təslim olmayacaq, Vaşinqton yalnız seyr edib gözləyə bilər

“Rusiya prezidenti Vladimir Putin heç vaxt Ukraynadan əl çəkməyəcək, ona görə də Qərb ancaq “gözləyə”, Vaşinqton vəziyyəti izləyə və sadəcə pula qənaət edə bilər”.  

Bu barədə Mərkəzi Kəşfiyyat İdarəsinin keçmiş analitiki Piter Şröder “Foreign Affairs” üçün yazdığı məqalədə bildirib.

Bu məqalədə Şröder 2022-ci ilin fevralından bəri ABŞ-ın Rusiyanı Ukraynada silah gücündən istifadədən imtina etməyə məcbur etməyə çalışdığını bildirib. Amma ABŞ-ın bu strategiyasının heç nəyi dəyişmədiyinə diqqət çəkilir. Qərb hələ də düşünür ki, Putini sanksiyalar vasitəsilə fikrini dəyişməyə məcbur etmək olar.

Bununla belə, o vurğulayıb ki, faktlar göstərir ki, Putini Ukrayna ilə bağlı inandırmaq mümkün deyil.  Səbəb Rusiya liderinin Qərbin Ukraynanı Rusiyanı təhdid etmək üçün istifadə oluna biləcək qalaya çevirə biləcəyini düşünməsidir.