Lavrov: Fransa hakimiyyəti Durovu şifrələmə kodlarını əldə etmək ümidi ilə saxlayıb

APA-nın Moskva müxbiri xəbər verir ki, bunu Rusiya xarici işlər naziri Sergey Lavrov Teleqramın qurucusu Pavel Durovun Fransada saxlanmasını şərh edərkən deyib.

Onun sözlərinə görə, Rusiya Federasiyasının Fransada Durova çıxışı ilə bağlı notası nəzərdən keçirilir. O, həmçinin qeyd edib ki, Telegram platforması rahat və “həqiqətən qorunur” və Durovun saxlanması bunu sübut edir.

Lavrov əlavə edib ki, Fransa hakimiyyəti Durovu şifrələmə kodlarını əldə etmək ümidi ilə kiminsə məsləhəti ilə saxlayıb.