İran ABŞ-dan Tehranın prezident seçkilərinə müdaxiləsinə dair sübut tələb edir

Əgər Vaşinqton ittihamlarının haqlı olduğuna inanırsa, Birləşmiş Ştatlar İran hakimiyyətinə Tehranın Birləşmiş Ştatlardakı prezident seçkilərinə müdaxilədə iştirakına dair sübut təqdim etməlidir.

"Report"un məlumatına görə, bu barədə İranın BMT yanında daimi nümayəndəliyinin jurnalistlərə yaydığı məlumatda deyilir.

“Bu cür ittihamlar əsassızdır və heç bir əsası yoxdur. Əgər ABŞ hökuməti öz iddialarının doğruluğuna ürəkdən inanırsa, o zaman bizə müvafiq sübutlar təqdim etməlidir ki, onlara lazımi cavab verə bilək”, - məlumatda qeyd edilir.