“O, oyun oynamağı dayandırmalıdır" - Kamaladan Trampa etiraz

Teleqraf.com xəbər verir ki, bu barədə Kamala Harrisin seçki qərargahı “X” sosial şəbəkəsində məlumat yayıb.

Məlumatda deyilir ki, Trampla debat əvvəl təyin edildiyi vaxtda keçirilməlidir: “O, oyun oynamağı dayandırmalı və söz verdiyi kimi sentyabrın 10-da debata gəlməlidir”.

Harrisin təşviqat komandası hesab edir ki, Tramp qorxur və buna görə də o, debatın sentyabrın 4-də Respublikaçılara yaxın olan “Fox News” telekanalında keçirilməli olduğunu elan edib.

Qeyd edək ki, Donald Tramp Kamala Harrisə sentyabrın 4-də “Fox News” telekanalında debat keçirmək təklifi edib.