Türkiyə ilə İsrail arasında gərginlik artır - AKTUAL

Türkiyə prezidenti Rəcəb Təyyib Ərdoğan bazar günü sionist rejimin Qəzzədə törətdiyi cinayətlərə toxunaraq deyib: “Biz Qarabağa daxil olduğumuz kimi, Liviyaya girdiyimiz kimi, eyni şeyi onlara da edə bilərik. Edə bilməyəcəyimiz heç bir şey yoxdur”.
Ərdoğanın bu şərhi Türkiyə və İsrail rəsmiləri arasında söz atışmasının artmasına səbəb olub.
İsrail mediası bu bəyanatları hərbi təhdid kimi qiymətləndirib. İsrailin xarici işlər naziri Yisrael Kats Türkiyə prezidenti Rəcəb Təyyib Ərdoğanın açıqlamalarına cavab verib.
Kats İraqın diktatoru Səddamın yanında Ərdoğanın fotosunu yerləşdirib və X sosial şəbəkəsindəki hesabında yazıb: “Ərdoğan Səddamın yolu ilə gedir və bizi hərbi hücumla hədələyir”.
Sionist rejim müxalifətinin lideri Yair Lapid də bildirib: “Türkiyə prezidenti yenidən bəhanələr gətirir və mübahisə yaradır və Yaxın Şərq üçün təhlükədir”.
Türkiyə Xarici İşlər Nazirliyi, İsrail xarici işlər nazirinin bu şərhinə cavab olaraq, baş nazir Benyamin Netanyahunu Adolf Hitlerlə müqayisə edərək, "Bütün soyqırımı törədənlər üçün tarix belə başa çatıb" deyə qeyd edib.
Qəzzə müharibəsinin başlamasından sonra Türkiyə ilə İsrail arasında münasibətlər yenidən gərginləşib. Ankara və Təl-Əviv səfirlərini geri çağırıb, ticarət və uçuşları dayandırıb. Türkiyə həmçinin sionist rejimlə səkkiz milyard dollarlıq ticarətini dayandırıb.
Bu arada Türkiyə parlamenti Netanyahunun ABŞ Konqresindəki çıxışını pisləyib və ABŞ-ın bu siyasətini qatil cinayətkara dəstək kimi qiymətləndirib.
Hazırda Türkiyədəki fəallar əməli addım olaraq hökumətdən Ceyhan limanı vasitəsilə İsrailə Azərbaycan neftinin ixracının dayandırılmasını tələb edirlər. Gündən günə artan bu ictimai tələbi nəzərə alaraq, münasibətlərin gərginləşməsi fonunda Ərdoğanın müvafiq addımı atacağı istisna olunmur.