“Rusiyanın cavabı sərt olacaq”

Bunu Rusiya Xarici İşlər Nazirliyinin sözçüsü Mariya Zaxarova bildirib.
Zaxarova özünün "Telegram" kanalında "The Wall Street Journal"dan sitat gətirib.
Həmin qəzet danışıqlarda Rusiyanı güzəştə getmək məcburiyyətində qoymaq üçün RF-nın dondurulmuş aktivlərindən istifadə etməyə çağırıb.
ABŞ Konqresinin Nümayəndələr Palatası isə Bayden Administrasiyasına ABŞ banklarında saxlanılan Rusiya aktivlərini müsadirə edib Ukraynaya köçürməyə icazə verən qanun layihəsini qəbul edib,
Kremlin sözçüsü Dmitri Peskov bu barədə  xatırladıb ki, Rusiyada da "müxtəlif strukturların Qərb pulları" var.
Yüksək rütbəli təhlükəsizlik rəsmisi Dmitri Medvedev isə bildirib ki, Rusiya ABŞ-ın Qərbdə dondurulmuş valyuta ehtiyatlarının hər hansı müsadirəsinə cavab olaraq ABŞ vətəndaşlarının və sərmayəçilərinin Rusiyadakı aktivlərinə, o cümlədən əmlakına və puluna həbs qoya bilər.
Ukrayna müharibəsindən sonra ABŞ və onun müttəfiqləri Rusiyanın Mərkəzi Bankı və Maliyyə Nazirliyi ilə əməliyyatları qadağan edib və Rusiyanın Qərbdəki 300 milyard dollara yaxın suveren aktivlərini dondurub, onların əksəriyyəti Amerika yox, Avropa maliyyə institutlarındadır.
G7  ölkələri də dondurulmuş Rusiya aktivləri ilə bağlı nə edə biləcəklərini nəzərdən keçirirlər.
Prezident Vladimir Putinin yaxın müttəfiqi və Rusiya Təhlükəsizlik Şurasının sədr müavini Medvedev şənbə günü bildirib ki, Rusiyada pul, hüquq və ABŞ-ın digər aktivləri də daxil olmaqla, əhəmiyyətli miqdarda dövlət mülkiyyətinin olmadığından fərdi şəxslərin əmlakına girov qoyulması mövzusu gündəmə gələ bilər.
Rusiya Mərkəzi Bankının rəhbəri Elvira Nabiullina cümə günü deyib ki, aktivləri müsadirə olunarsa, Moskva qanuni maraqlarını müdafiə edəcək, lakin strategiya və ya taktikaları açıqlamayıb.