İranda iki əsas məclisə mandat qazanmaq uğrunda rəqabət gedir - TƏHLİL

İranda İslam Şurası Məclisi və Xubreqan-Ekspertlər Məclisinə mandat qazanmaq uğrunda qızğın rəqabət gedir.
İslam Şurası Məclisi İranda qanunverici orqanın iki sütunundan biridir. Bu məclis üzvlərinin sayı 290 nəfərdən ibarətdir.
Konstitusiyanın 62-ci maddəsinə əsasən, namizədlər icra aparatları və Konstitusiyaya Nəzarət Şurası tərəfindən təsdiqləndikdən sonra birbaşa xalq tərəfindən seçilir və onların səlahiyyət müddəti dörd ildir.
Xubreqan-Ekspertlər Məclisi isə ixtisaslı hüquqşünas fəqihlərdən ibarət məşvərət məclisidir ki, Konstitusiyanın 107-ci maddəsinə əsasən, İran İslam Respublikasının rəhbərini təyin etmək, lazım gələrsə onu vəzifəsindən azad etmək və ona nəzarət etmək səlahiyyətinə malikdir. Bu məclisin üzvləri təsdiq edilmiş namizədlər arasından seçilir və onların səlahiyyət müddəti səkkiz ildir.
Bu izahatlarla İran xalqı öz ideallarını və İslam İnqilabının uğurlarını davam etdirmək üçün cümə günü martın birində yenidən seçkiyə qatılacaq.
Seçkilərin mərasim və şou deyil, gərəkli, real və davamlı bir hadisə olduğunu dərk edən İran xalqı növbəti dəfə seçkiyə layiq namizədləri seçərək, ölkənin tərəqqi və inkişafında təsirli rol oynamağa çalışır.
Əslində, İran xalqının bütün keçmiş seçki dövrlərində siyasi iştirakı istənilən şəraitdə öz vətəndaş hüquqlarını bilən insanların məsuliyyətindən xəbər verir. Lakin İranın hazırkı vəziyyəti və düşmənlərin xalqla hakimiyyət arasında uçurum yaratmaq cəhdləri tələb edir ki, xalq bir daha öz iradəsini nümayiş etdirsin.
Aydındır ki, xalqın seçkilərdə fəal iştirakı quruluşun əsaslarını möhkəmləndirməklə yanaşı, düşmənlərin məyus olmasına da səbəb olur; Buna əsaslanaraq, İran İslam Respublikasının hakimiyyət orqanları, xüsusən də İslam İnqilabının Ali Rəhbəri hər zaman xalqın seçkilərdə geniş iştirakını bir vəzifə və haqq olaraq vurğulamışlar.