اسلام ٹائمز - گورنر سندھ کی خالد مقبول، فاروق ستار، حمید حسین، ظفر عباس کے ہمراہ پریس کانفرنس

گورنر سندھ کی خالد مقبول، فاروق ستار، حمید حسین، ظفر عباس کے ہمراہ پریس کانفرنس

صحافیوں سے گفتگو کرتے ہوئے کامران خان ٹیسوری نے کہا کہ ادویات اور اشیائے خوردونوش کے بھرے ٹرک پشاور روانہ کررہے ہیں، وہاں سے یہ سامان جہاز اور ہیلی کاپٹرز کے ذریعہ پاراچنار پہنچایا جائے گا کیونکہ پاراچنارکے لوگوں کو ادویات کی فراہمی ہمارا فرض ہے، پاراچنار میں غذائی قلت کے مسائل سے فوری نمٹنا ہوگا، پاراچنار کے عوام کی مدد کے لئے ہر ممکن کردار ادا کریں گے۔

اسلام ٹائمز۔ گورنر سندھ کامران خان ٹیسوری نے کہا ہے کہ پاراچنار میں قیام امن کی ذمہ داری صوبائی حکومت کی ہے، اس ضمن میں اسٹیک ہولڈرز سے مل کر اس معاملہ کے حل کے لئے کردار ادا کررہے ہیں اور مزید بھی ادا کرنے کو تیار ہیں، پاراچنار میں حالات بہت خراب ہیں اس لئے کڑوروں روپے کی اشیائے خورد ونوش، سرجیکل آئٹمز اور ادویات وہاں پہنچا رہے ہیں۔ ان خیالات کا اظہار انہوں نے اسلام آباد میں پریس کانفرنس سے خطاب کرتے ہوئے کیا۔ اس موقع پر متحدہ قومی موومنٹ پاکستان کے چیئرمین اور وفاقی وزیر ڈاکٹر خالد مقبول صدیقی، ڈاکٹر فاروق ستار، ایم ڈبلیو ایم رکن قومی اسمبلی انجینئر حمید حسین اور سربراہ جے ڈی سی ظفر عباس بھی موجود تھے۔