اسلام ٹائمز - پی ٹی آئی رہنماء عمران حسین ہزارہ سے حلقہ پی بی 42 کیس سے متعلق خصوصی گفتگو

پی ٹی آئی رہنماء عمران حسین ہزارہ سے حلقہ پی بی 42 کیس سے متعلق خصوصی گفتگو

اسلام ٹائمز سے خصوصی گفتگو کرتے ہوئے عمران حسین ہزارہ نے کہا کہ حلقہ پی بی 42 کے عوام کیساتھ ظلم ہوا ہے، زرک مندوخیل نے دو سو سے زیادہ ووٹ لیا ہی نہیں، ایسے لوگ اسمبلی میں جا رہے ہیں جو دو سو ووٹ بھی نہیں لے سکتے، زرک خان بلوچستان حکومت کا ملازم بھی تھا، جس نے دو سال کا عرصہ مکمل کئے بغیر الیکشن میں حصہ لیا۔

عمران حسین ہزارہ پاکستان تحریک انصاف بلوچستان کے صوبائی رہنماء ہیں۔ جو حالیہ انتخابات میں بلوچستان کے حلقہ پی بی 42 سے تحریک انصاف کے حمایت یافتہ امیدوار تھے۔ وہ پی ٹی آئی بلوچستان کے نائب صوبائی صدر سمیت مختلف عہدوں پر رہے ہیں۔ انہوں نے پاکستان مسلم لیگ (ن) کے رکن اسمبلی زرک مندوخیل کے خلاف عدالت میں کیس دائر کی تھی، جس میں یہ دعویٰ کیا گیا کہ زرک مندوخیل 2023 تک سرکاری ملازم تھے۔ جنہوں نے اپنی آئینی مدت پورا کئے بغیر انتخابات میں حصہ لیا۔ جسکی وجہ سے انہیں نااہل ہونا چاہئے۔ تاہم عدالت نے انکی درخواست ایک تکنیکی غلطی کی بنیاد پر خارج کر دیا۔ کیس کے اخراج کے بعد اسلام ٹائمز نے عمران حسین ہزارہ سے کیس کی تفصیلات جاننے کے لئے ان سے خصوصی گفتگو کی۔ اس موقع پر پی ٹی آئی بلوچستان کے رہنماء عمران حسین ہزارہ نے کہا کہ حلقہ پی بی 42 کے عوام کیساتھ ظلم ہوا ہے۔ زرک مندوخیل نے دو سو سے زیادہ ووٹ لیا ہی نہیں۔ ایسے لوگ اسمبلی میں جا رہے ہیں جو دو سو ووٹ بھی نہیں لے سکتے۔ زرک خان بلوچستان حکومت کا ملازم بھی تھا، جس نے دو سال کا عرصہ مکمہ کئے بغیر الیکشن میں حصہ لیا۔ حکومت کو چاہئے کہ وہ خود اس شخص کیخلاف ایکشن لے، مگر میں عدالتوں میں دستاویزات دے رہا ہوں۔ انہوں نے کہا کہ زرک خان نے جو حلفیہ بیان الیکشن کمیشن میں جمع کیا۔ اس میں انکی نوکری کا کوئی ذکر نہیں ہے، اور انکی ایک کمپنی ہے۔ جسکا ذکر تو ہے، مگر بورڈ آف ڈائریکٹر میں انکا جو عہدہ ہے، اسکا بھی ذکر نہیں کیا ہے۔ جو آئین کے آرٹیکل 62 اور 63 کے ذمرے میں آتا ہے۔ قارئین محترم آپ اس ویڈیو سمیت بہت سی دیگر اہم ویڈیوز کو اسلام ٹائمز کے یوٹیوب چینل کے درج ذیل لنک پر بھی دیکھ اور سن سکتے ہیں۔(ادارہ)
https://www.youtube.com/c/IslamtimesurOfficial/videos