QR Code

وادی کشمیر کے مذہبی اسکالر اقبال حسین میر کا ماہ ربیع الاول کے حوالے سے خصوصی انٹرویو

8 Sep 2024 19:34

اسلام ٹائمز کیساتھ اپنے خصوصی انٹرویو میں جموں و کشمیر کے مذہبی اسکالر کا کہنا تھا کہ رسول اکرم (ص) کی سیرت یا ان سے منسوب احادیث پر ہم جب ایک سرسری نظر ڈالتے ہیں تو وہاں ہمیں اتحاد بین المسلمین کا درس ملتا ہے۔ انہوں نے کہا کہ امام خمینی (رہ) دور اندیش اور دردمند رہنما تھے جنہوں نے ہمیں اتحاد کا درس دیا ہے۔

مولانا اقبال حسین میر کا تعلق وسطی کشمیر کے خندہ علاقے سے ہے۔ آپ مجلس علماء امامیہ اور مطہری فکری و ثقافتی مرکز سے بھی وابستہ ہیں۔ سالہا سال سے وادی کشمیر میں دینی ذمہ داریاں انجام دے رہے ہیں۔ اسلام ٹائمز کے نمائندے نے مولانا اقبال حسین میر سے ہفتہ وحدت اور میلاد النبی (ص) کے حوالے سے ایک خصوصی انٹرویو کا اہتمام کیا جس دوران انہوں نے کہا کہ مسلمانوں کے مابین بہت سارے مشترکات پائے جاتے ہیں جن کو بنیاد بناکر مسلمان ایک پلیٹ فارم پر جمع ہو سکتے ہیں۔ انہوں نے کہا کہ امام راحل (رہ) نے آنحضرت (ص) ہی کی ذات کو محور اتحاد قرار دے کر اتحاد کا نعرہ بلند کیا اور 12 یا 17 کو ’’ہفتہ وحدت‘‘ منانے کی اپیل کی۔ مولانا اقبال حسین میر نے کہا کہ رسول اکرم (ص) کی سیرت یا ان سے منسوب احادیث پر ہم جب ایک سرسری نظر ڈالتے ہیں تو وہاں ہمیں اتحاد بین المسلمین کا درس ملتا ہے۔ انہوں نے کہا کہ امام خمینی (رہ) دوراندیش  اور دردمند رہنما تھے جنہوں نے ہمیں اتحاد کا درس دیا، ہمیں چاہیئے کہ ہفتہ وحدت سے بھرپور استفادہ کرکے اتحاد کی جانب پرواز کریں۔ مولانا اقبال حسین میر نے کہا کہ میلاد النبی (ص) ریلیوں اور جلسوں میں ہمیں مظلوم فلسطینیوں کو ہر حال میں یاد رکھنا چاہیئے۔ انہوں نے کہا کہ امام خمینی (رہ) کی زندگی ہمارے لئے مشعل راہ ہے۔ مولانا غلام محمد گلزار نے کہا کہ رسول اکرم (ص) کی ذات اقدس کو محور و نکتہ اور مرکز اتحاد ہے۔ قارئین و ناظرین محترم آپ اس ویڈیو سمیت بہت سی دیگر اہم ویڈیوز کو اسلام ٹائمز کے یوٹیوب چینل کے درج ذیل لنک پر بھی دیکھ اور سن سکتے ہیں۔ (ادارہ)
https://www.youtube.com/c/IslamtimesurOfficial

خبر کا کوڈ: 1158413