QR Code

قیدی حریت لیڈر کے بھائی منیر احمد خان کا اسلام ٹائمز کیساتھ خصوصی انٹرویو

29 Aug 2024 17:55

اسلام ٹائمز کیساتھ اپنے خصوصی انٹرویو میں جموں و کشمیر نیشنلسٹ پیپلز فرنٹ کے سربراہ منیر احمد خان کا کہنا تھا کہ دفعہ 370 کی منسوخی سے کشمیر کی صورتحال پہلے سے زیادہ ابتر ہوئی ہے اور بھارتی حکومت کے تمام دعوے و وعدے جھوٹ اور فریب ثابت ہوئے ہیں، بھارت نے ہمیشہ کشمیر کے حوالے سے ہٹ دھرمی دکھائی ہے لیکن کشمیری قیادت بھی برابر کی مجرم ہے۔

منیر احمد خان کا تعلق وادی کشمیر کے ضلع بارہمولہ سے ہے۔ آپ بھارتی جیل میں قید حریت لیڈر نعیم احمد خان کے بھائی ہیں۔ منیر احمد خان نے گزشتہ برس مین اسٹریم سیاسی جماعت بنام ’جموں و کشمیر نیشنلسٹ پیپلز فرنٹ‘ کی بنیاد رکھی۔ منیر احمد خان نے گزشتہ ایام میں ہونے والے پارلیمانی انتخابات میں بھی حصہ لیا تھا لیکن نیتجے میں آپ جیت سے ہمکنار نہیں ہو پائے تھے۔ اسلام ٹائمز کے نمائندے نے منیر احمد خان سے ایک نسشت کے دوران کشمیر کی سیاسی صورتحال، دفعہ   کی 370 منسوخی اور کشمیر میں آئندہ دنوں منعقد ہونے والے اسمبلی انتخابات کو لیکر خصوصی انٹرویو کا اہتمام کیا، جس دوران انہوں نے کہا کہ دفعہ 370 کی منسوخی سے کشمیر کی صورتحال پہلے سے زیادہ ابتر ہوئی ہے اور بھارتی حکومت کے تمام دعوے و وعدے جھوٹ اور فریب ثابت ہوئے ہیں۔ انہوں نے کہا کہ کشمیری عوام ایک مثالی لیڈرشپ سے ہمیشہ محروم رہی ہے۔ منیر خان نے کہا کہ بھارت نے ہمیشہ کشمیر کے حوالے سے ہٹ دھرمی دکھائی ہے لیکن کشمیری قیادت بھی برابر کی مجرم ہے۔ انہوں نے کہا کہ کشمیری نوجوانوں کی قید سے رہائی ہمارا اولین مطالبہ ہے۔ منیر احمد خان نے اس دوران جیل میں بند اپنے بھائی کے بارے میں بھی تفصیلات سے آگاہ کیا۔ قارئین محترم آپ اس ویڈیو سمیت بہت سی دیگر اہم ویڈیوز کو اسلام ٹائمز کے یوٹیوب چینل کے درج ذیل لنک پر بھی دیکھ اور سن سکتے ہیں۔ (ادارہ)
https://www.youtube.com/islamtimesurofficial

خبر کا کوڈ: 1156796