اسلام ٹائمز - کراچی میں ایم ڈبلیو ایم کے تحت یوم یکجہتی فلسطین، ویڈیو رپورٹ

حماس کے طوفان الاقصیٰ آپریشن کی مکمل حمایت کا اعلان

کراچی میں ایم ڈبلیو ایم کے تحت یوم یکجہتی فلسطین، ویڈیو رپورٹ

اسلام ٹائمز: شہر قائد کی جامع مساجد کے باہر بعد نماز جمعہ احتجاجی مظاہرے اور ریلیاں نکالی گئیں، جس میں مظاہرین بڑی تعداد میں شریک ہوئے اور فلسطین میں اسرائیلی بربریت کے خلاف صدائے احتجاج بلند کیا۔

رپورٹ: سید ظفر جعفری

مجلس وحدت مسلمین پاکستان کی جانب سے چیئرمین علامہ راجہ ناصر عباس جعفری کی اپیل پر ملک بھر میں یوم یکجہتی فلسطین منایا گیا۔ اس حوالے سے کراچی کی مختلف جامع مساجد کے باہر بعد نماز جمعہ احتجاجی مظاہرے اور ریلیاں نکالی گئیں، جس میں مظاہرین بڑی تعداد میں شریک ہوئے اور فلسطین میں اسرائیلی بربریت کے خلاف صدائے احتجاج بلند کیا۔ خوجہ جامع مسجد کھارادر کے سامنے مرکزی احتجاجی مظاہرے سے علامہ باقر عباس زیدی، اسد اللہ بھٹو، جامع مسجد نور ایمان ناظم آباد کے سامنے علامہ حسن ظفر نقوی، علامہ مبشر حسن سمیت دیگر علماء کرام نے مختلف جامع مساجد کے باہر احتجاج میں خطاب کیا۔ احتجاجی مظاہرین نے امریکا و اسرائیل کے خلاف نعرے بھی لگائے۔ مظاہرین نے امریکا و اسرائیل کے پرچم بھی نذر آتش کئے۔ قارئین و ناظرین محترم آپ اس ویڈیو سمیت بہت سی دیگر اہم ویڈیوز کو اسلام ٹائمز کے یوٹیوب چینل کے درج ذیل لنک پر بھی دیکھ اور سن سکتے ہیں۔(ادارہ)
https://www.youtube.com/c/IslamtimesurOfficial