QR Code
شیعہ علماء کونسل کے تحت کراچی میں القدس ریلی، علماء و عوام کی بھرپور شرکت
16 Apr 2023 17:17
ریلی سے خطاب کرتے ہوئے مرکزی ڈپٹی سیکرٹری جنرل علامہ محمد علی جروار کا کہنا تھا کہ امت مسلمہ کے لیڈر علی خامنہ ای کی بشارت کہ اسرائیل 25 سالوں میں ختم ہو جائے گا، نظر آنا شروع ہو گیا ہے، کیونکہ اسرائیل کا چپا چپا آج مزاحمتی گروہوں کے نشانے پر ہے اور اسرائیل اندرونی ٹوٹ پھوٹ کا بھی شکار ہو رہا ہے۔
اسلام ٹائمز۔ شیعہ علماء کونسل پاکستان کے سربراہ علامہ ساجد علی نقوی کی اپیل پر ملک بھر میں جمعۃ الوداع کے موقع پر فلسطینی عوام سے اظہار ہمدردی و یکجہتی کیلئے ایس یو سی کی جانب سے القدس ریلیاں نکالی گئیں، شہر قائد میں شیعہ علماء کونسل کراچی ڈویژن کی جانب سے ریگل تا کراچی پریس کلب تک ریلی نکالی گئی، جس میں مرد، خواتین و کارکنان نے بڑی تعداد میں شرکت کی۔ ریلی سے شیعہ علماء کونسل کے مرکزی ڈپٹی سیکرٹری جنرل علامہ محمد علی جروار نے مرکزی خطاب کیا۔ اس موقع پر حسنین مہدی، مولانا جعفر سبحانی، مولانا عباس مہدی ترابی، مولانا رضی حیدر، مولانا عابد عرفانی، مولانا حسن رضا و دیگر رہنماؤں نے بھی خطاب کیا۔ ریلی کے اختتام پر شرکاء نے امریکا و اسرائیل کے پرچم نذر آتش کئے۔
خبر کا کوڈ: 1052764