QR Code

کرم ایجنسی کے مخدوش حالات سیکیورٹی اداروں کی کارکردگی پر سوالیہ نشان ہے، انجینئر سخاوت علی 

5 Jan 2025 23:33

ایم ڈبلیو ایم عزاداری ونگ کے صوبائی صدر کا کہنا تھا کہ حکومت اور سیکیورٹی اداروں کو پاراچنار، ٹل اور کرم ایجنسی کے علاقوں میں حالیہ واقعات سے ثابت ہے کہ ریاست کی گرفت کمزور ہے، کرم میں غذائی اجناس اور ادویات کی قلت ہے، سیکیورٹی اداروں کی حفاظت میں جانے والے کانوائے پر حملے کی شدید مذمت کرتے ہیں۔ 

اسلام ٹائمز۔ مجلس وحدت مسلمین عزاداری ونگ جنوبی پنجاب کے صوبائی صدر انجینئر سخاوت علی سیال نے کہا ہے کہ امن معاہدے کے بعد کرم ایجنسی کی طرف جانے والے کانوائے پر حملہ جہاں دہشتگردوں کی موجودگی کا ثبوت ہے وہیں سیکیورٹی اداروں کی ناکامی کا ثبوت ہے، کے پی کے صوبائی حکومت کے ترجمان کی جھوٹ پر مبنی دعووں کی قلعی کھل چکی ہے، کرم ایجنسی کے حالات کے ذمہ دار وہی لوگ ہیں جو ملک دشمن ہیں، سیکیورٹی فورسز کی موجودگی میں کانوائے پر حملہ اس بات کی نشاندہی کرتا ہے کہ دہشتگرد ان علاقوں میں کس حد تک پھیلے ہوئے ہیں۔ اُنہوں نے مزید کہا کہ حکومت اور سیکیورٹی اداروں کو پاراچنار، ٹل اور کرم ایجنسی کے علاقوں میں حالیہ واقعات سے ثابت ہے کہ گرفت کمزور ہے، کرم میں غذائی اجناس اور ادویات کی قلت ہے، سیکیورٹی اداروں کی حفاظت میں جانے والے کانوائے پر حملہ کی شدید مذمت کرتے ہیں۔ 

خبر کا کوڈ: 1182600