QR Code

رات تک دھرنے ختم نہ ہوئے تو سختی سے نمٹیں گے، کراچی پولیس چیف کی دھمکی

30 Dec 2024 17:26

کراچی پولیس چیف کا کہنا تھا کہ ہم رات تک ان سے مزاکرات کرتے رہے ہیں، مذہبی جماعت کے علماء نے بھی کہا ہے کہ سڑک بند نہیں ہونی چاہیے، پورے شہر کے نظام کو احتجاج کے نام پر مفلوج کرنا ٹھیک نہیں، کسی نے سڑک بند کرنے اور قانون کو ہاتھ میں لینے کی کوشش کی تو بھرپور نمٹیں گے۔

اسلام ٹائمز۔ کراچی پولیس چیف جاوید عالم اوڈھو نے دھمکی دی ہے کہ آج رات تک دھرنے ختم نہ کیے گئے تو پھر ہم سختی سے نمٹیں گے۔ دھرنے والوں سے بات ہوگئی ہے، کوشش ہے کہ آج رات تک دھرنے ختم کرا دیے جائیں، جو سڑکوں سے نہیں ہٹے گا تو پھر قانون کے مطابق اسے ہٹائیں گے۔ کراچی میں تقریب سے خطاب کے بعد صحافیوں سے گفتگو کرتے ہوئے ایڈیشنل آئی جی کراچی جاوید عالم اوڈھو نے کہا کہ احتجاج کے نام پر پورے شہر کو بند کرنا مناسب بات نہیں، کراچی کے شہریوں کو پریشانی کا سامنا کرنا پڑ رہا ہے۔

خبر کا کوڈ: 1181414