QR Code
اسرائیل اور حماس کے درمیان قیدیوں کے تبادلے کے معاہدے کیلئے مذاکرات ابھی جاری ہیں، قطر
25 Dec 2024 18:18
دوسری جانب قابض اسرائیلی وزیر اعظم بنجمن نیتن یاہو نے اعلان کیا ہے کہ مذاکراتی ٹیم ایک اہم ہفتے کے مذاکرات کے بعد منگل کو قطر سے واپس آئے گی تاکہ حماس کے ساتھ قیدیوں کے تبادلے کے معاہدے پر اندرونی مشاورت کی جا سکے۔
اسلام ٹائمز۔ قطر نے اعلان کیا ہے کہ غزہ کی پٹی میں جنگ بندی کے مذاکرات اور اسرائیل اور حماس کے درمیان قیدیوں کے تبادلے کی رہائی کے معاہدے کے حوالے سے قاہرہ اور دوحہ کی ثالثی میں ابھی بھی بات چیت جاری ہے۔ تاہم یہ پیش گوئی کرنا ممکن نہیں ہے کہ کب کوئی معاہدہ طے پائے گا۔ قطری وزارت کے ایک بیان کے مطابق یہ بات وزیراعظم کے مشیر اور قطری وزارت خارجہ کے ترجمان ماجد بن محمد الانصاری نے دارالحکومت قاہرہ میں ایک پریس کانفرنس میں کہی۔ غزہ کی پٹی میں قیدیوں کے تبادلے اور جنگ بندی کے لیے بالواسطہ بات چیت کے حوالے سے الانصاری نے کہا کہ دوحہ میں تکنیکی سطح پر بات چیت ابھی جاری ہے۔
خبر کا کوڈ: 1180441