QR Code

شمالی غزہ میں صیہونی فوج کی بمباری، 9 فلسطینی شہید

25 Dec 2024 13:11

جبالیہ النزلہ میں خلہ اسٹیشن کے قریب "ابو وردہ” خاندان کی ایک رہائشی عمارت پر اسرائیلی فضائی بمباری میں شہید ہونے والوں میں خواتین اور بچے شامل ہیں۔

اسلام ٹائمز۔ صیہونی فوج کے ہاتھوں غزہ میں نئے قتل عام میں مزید 9 فلسطینی شہید ہو گئے ہیں۔ منگل کی شام قابض اسرائیلی فوج نے غزہ کی پٹی کے شمال میں واقع جبالیہ النزلہ قصبے میں ایک آباد مکان پر بمباری کی۔ طبی اور مقامی ذرائع نے بتایا کہ قابض صہیونی فوج کی طرف سے کی گئی جارحیت میں 9 شہری شہید اور متعدد زخمی ہو گئے۔ جبالیہ النزلہ میں خلہ اسٹیشن کے قریب "ابو وردہ” خاندان کی ایک رہائشی عمارت پر اسرائیلی فضائی بمباری میں شہید ہونے والوں میں خواتین اور بچے شامل ہیں۔ قابض اسرائیل فوج جارحیت، وحشیانہ جنگ اور غزہ کی پٹی میں نسل کشی کے جرائم کو مسلسل 445 ویں دن بھی جاری رکھے ہوئے ہے۔

خبر کا کوڈ: 1180373