QR Code
کوئٹہ، پاراچنار میں جاری دھرنے کی حمایت میں دھرنے کی تیاریاں
25 Dec 2024 11:01
مجلس علماء مکتب اہلبیت و امام جمعہ علامہ سید ہاشم موسوی کا کہنا ہے کہ کوئٹہ میں بھی پاراچنار کے مظلومین سے اظہار یکجہتی کیلئے دھرنے کا آغاز کرینگے۔
اسلام ٹائمز۔ پاراچنار میں جاری دھرنے کی حمایت میں بلوچستان کے صوبائی دارالحکومت کوئٹہ میں بھی احتجاجی دھرنے کی تیاریاں کی جا رہی ہیں۔ مجلس علماء مکتب اہلبیت کے رہنماء و امام جمعہ کوئٹہ علامہ سید ہاشم موسوی کا کہنا ہے کہ پاراچنار کے مظلوم عوام سے اظہار یکجہتی کے لئے کوئٹہ میں بھی دھرنے کا آغاز کر رہے ہیں۔ انہوں نے کہا کہ کوئٹہ کے عوام بھی پورے ملک کے عوام کے شانہ بشانہ پاراچنار کے سلسلے میں دھرنے دیں گے۔ عوام کو دھرنے کے لئے تیار رہنے کی کال دی ہے۔ واضح رہے کہ پاراچنار کے محاصرے کو 75 روز سے زائد دن گزر چکے ہیں۔ پاراچنار میں احتجاجی دھرنے کے آغاز کے بعد ملک کے دیگر شہروں میں بھی عوام سڑکوں پر نکل رہے ہیں۔
خبر کا کوڈ: 1180331