اسلام ٹائمز - جنگ بندی معاہدے کا امکان موجود ہے، فلسطینی مزاحمتی تحریکیں

جنگ بندی معاہدے کا امکان موجود ہے، فلسطینی مزاحمتی تحریکیں

فلسطینی مزاحمتی تحریکوں حماس، جہاد اسلامی فلسطین اور فلسطینی آزادی کے عوامی محاذ نے اپنے ایک مشترکہ اجلاس میں تاکید کی ہے کہ اگر غاصب صیہونی رژیم نئی شرائط عائد کرنا بند کر دے تو معاہدے تک پہنچنے کا امکان پہلے سے کہیں زیادہ موجود ہے!

اسلام ٹائمز۔ فلسطینی مزاحمتی تحریک حماس نے اطلاع دی ہے کہ گذشتہ شام قاہرہ میں اس کے رہنماؤں نے الجہاد الاسلامی فی فلسطین و پاپولر فرنٹ فار دی لبریشن آف فلسطین کے رہنماؤں کے ساتھ ملاقات کی ہے جس میں غزہ میں جنگ بندی سے متعلق تازہ ترین صورتحال کا جائزہ لیا گیا۔ اس دوران فلسطینی مزاحمتی تحریکوں نے اپنے ایک مشترکہ بیان میں تاکید کی کہ اگر غاصب صیہونی رژیم نئی شرائط عائد کرنا بند کر دے تو اس کے ساتھ کسی بھی معاہدے تک پہنچنے کا امکان پہلے سے کہیں زیادہ موجود ہے۔ غاصب صیہونی رژیم کے گھناؤنے جرائم کے باعث فلسطینی قوم کی مشکلات پر روشنی ڈالتے ہوئے فلسطینی مزاحمتی تحریکوں نے اعلان کیا کہ غاصب و قابض صیہونی اپنے جرائم کے ذریعے فلسطینی قوم کی دیومالائی مزاحمت کو توڑنا چاہتے ہیں لیکن اس قوم نے جبری نقل مکانی کے منصوبوں اور اجتماعی قتل عام کے تسلسل کا بھی ڈت کر مقابلہ کیا ہے۔