QR Code
مدارس رجسٹریشن بل، شہباز شریف کی فضل الرحمان کو ملاقات کی دعوت
19 Dec 2024 23:50
وزیراعظم نے جے یو آئی کے سربراہ کو جمعہ کے روز ملاقات کے لئے مدعو کر لیا، جے یو آئی کے سربراہ کل بروز جمعہ سہ پہر 3 بجے وزیراعظم سے ملاقات کریں گے۔ ملاقات وزیراعظم ہاؤس میں ہوگی، جے یو آئی کے سربراہ اتحاد تنظیمات مدارس کا موقف وزیراعظم کے سامنے رکھیں گے۔
اسلام ٹائمز۔ مدارس رجسٹریشن بل کے معاملہ پر وزیراعظم شہباز شریف نے مولانا فضل الرحمان سے رابطہ کیا ہے۔ وزیراعظم شہباز شریف نے مولانا فضل الرحمان کو جمعہ کے روز ملاقات کے لئے مدعو کر لیا، مولانا فضل الرحمان کل بروز جمعہ سہ پہر 3 بجے وزیراعظم سے ملاقات کریں گے۔ ملاقات وزیراعظم ہاؤس میں ہوگی، مولانا فضل الرحمان اتحاد تنظیمات مدارس کا موقف وزیراعظم کے سامنے رکھیں گے۔ وزیراعظم کی جانب سے نئی تجاویز دی گئیں تو مولانا اتحاد تنظیمات مدارس کے مشاورت کے لئے رجوع کریں گے۔ شہباز شریف کے رابطے کے بعد مولانا فضل الرحمان نے مفتی تقی عثمانی سے رابطہ کیا، مولانا فضل الرحمان نے مفتی تقی عثمانی سے کل کی ملاقات سے متعلق مشاورت کی۔
خبر کا کوڈ: 1179304