اسلام ٹائمز - کراچی، ضلع وسطی میں ڈبل سواری، جلسے، ریلی نکالنے پر پابندی عائد

کراچی، ضلع وسطی میں ڈبل سواری، جلسے، ریلی نکالنے پر پابندی عائد

کمشنر آفس کے مطابق ناخوشگوار صورت حال سے بچنے کے لیے دفعہ 144 کے تحت پابندیاں عائد کی گئیں، پابندیوں کی خلاف ورزی پر پولیس کو کارروائی کا اختیار دے دیا گیا۔

اسلام ٹائمز۔ کراچی کے ضلع وسطی میں دفعہ 144 کے تحت جلسے اور ریلی نکالنے پر پابندی لگادی گئی، نوٹیفکیشن سامنے آگیا۔ ایڈیشنل انسپکٹر جنرل (آئی جی) کی درخواست پر کمشنر کراچی نے ضلع وسطی میں دفعے 144 کے نفاذ کا نوٹیفکیشن جاری کیا ہے۔ نوٹیفکیشن کے مطابق ضلع وسطی میں 9 اور 10 دسمبر کو جلسے، جلوس اور ریلی نکالنے پر پابندی ہوگی، دفعہ 144 کے تحت ضلع وسطی میں موٹر سائیکل کی ڈبل سواری پر بھی پابندی ہوگی۔ نوٹیفکیشن کے مطابق ضلع وسطی میں دو روز کے لیے 4 سے زائد افراد کے اجتماع پر پابندی عائد ہوگی۔ کمشنر آفس کے مطابق ناخوشگوار صورت حال سے بچنے کے لیے دفعہ 144 کے تحت پابندیاں عائد کی گئیں، پابندیوں کی خلاف ورزی پر پولیس کو کارروائی کا اختیار دے دیا گیا۔