QR Code

حماہ کے اردگرد واقع دہشتگردوں کے اجتماعات پر شامی فوج کے تابڑ توڑ حملے

5 Dec 2024 21:13

شامی فوج نے اعلان کیا ہے کہ اسنے گذشتہ 24 گھنٹوں کے دوران شامی شہر حماہ کے گردونواح میں واقع عالمی حمایت یافتہ تکفیری دہشتگردوں کے متعدد اجتماعات کو تابڑ توڑ فضائی، میزائل و توپخانے کے حملوں کا نشانہ بنایا ہے

اسلام ٹائمز۔ شامی فوج نے شمالی شہر حماہ کے گرد و نواح میں عالمی حمایت یافتہ تکفیری دہشتگرد گروہوں کے متعدد اجتماعات پر شدید حملوں کا اعلان کیا ہے۔

اس بارے شامی فوج کے
آگاہ ذرائع نے سرکاری میڈیا کو بتایا کہ گذشتہ 24 گھنٹوں کے دوران شام و روس کی فضائیہ، میزائل فورسز اور توپخانے نے حماہ کے مضافات میں واقع عالمی حمایت یافتہ دہشتگردوں کے متعدد اجتماعات پر  وسیع حملے کئے ہیں۔ شامی سرکاری خبررساں ایجنسی سانا نے مذکورہ ذرائع سے نقل کرتے ہوئے مزید لکھا کہ شام اور روس کی افواج کے تابڑ توڑ حملوں کے بعد حماہ کے مضافات میں نہ صرف درجنوں عالمی حمایت یافتہ دہشتگرد مارے گئے ہیں بلکہ ان کا وسیع فوجی سازوسامان اور بکتر بند گاڑیاں بھی تباہ ہوئی ہیں۔

خبر کا کوڈ: 1176712