اسلام ٹائمز - سانحہ پاراچنار پر خاموشی، سابق سپیکر جی بی اسمبلی فدا ناشاد نے پی ٹی آئی کو احتجاجاً خیر باد کہہ دیا

سانحہ پاراچنار پر خاموشی، سابق سپیکر جی بی اسمبلی فدا ناشاد نے پی ٹی آئی کو احتجاجاً خیر باد کہہ دیا

میڈیا سے گفتگو کرتے ہوئے فدا ناشاد نے کہا کہ خیبر پختونخواہ میں پی ٹی آئی کی حکومت ہے، علی امین گنڈاپور اس صوبے کے وزیر اعلی ہیں، ابھی تک ان کی جانب سے نہ اس واقعہ کے خلاف مذمتی بیان آیا ہے اور نہ ابھی تک ان دہشت گردوں کے خلاف کوئی قانونی کارروائی عمل میں لائی گئی ہے۔

اسلام ٹائمز۔ سابق سپیکر قانون ساز اسمبلی گلگت بلتستان حاجی فدا محمد ناشاد نے پارا چنار واقعے پر تحریک انصاف کے قائدین کی خاموشی اور مذمتی بیانات تک نہ دینے پر احتجاج کرتے ہوئے پی ٹی آئی سے لاتعلقی کا اعلان کر دیا اور پی ٹی آئی پارٹی کو خیرباد کہہ دیا۔ انہوں نے کہا کہ میرا ضمیر اس پارٹی میں مطمئن نہیں جو دہشت گردی کرنے والوں کی مذمت تک نہ کرے۔ میڈیا سے بات چیت کرتے ہوئے انھوں نے کہا کہ پاراچنار میں جو ظلم ہوا ہے ہم اسکی شدید الفاظ میں مذمت کرتے ہیں اور میں ذاتی طور پر اس واقعہ کے بعد پی ٹی آئی پارٹی چھوڑنے کا اعلان کرتا ہوں۔