اسلام ٹائمز - شام میں امریکی اڈے پر میزائل حملہ

عالمی ذرائع ابلاغ کے مطابق فوری طور پر ممکنہ نقصانات یا جانی نقصان کی کوئی اطلاع نہیں ملی۔ اب تک کسی گروپ نے میزائل حملے کی ذمہ داری قبول نہیں کی ہے۔

اسلام ٹائمز۔ عرب شورش زدہ ملک شام میں مقامی ذرائع نے رپورٹ کیا ہے کہ جنوبی حلب کے علاقے الشداد میں واقع امریکی فوجی اڈے کے اندر سے کئی دھماکوں کی آوازیں سنی گئی ہیں۔ عالمی ذرائع ابلاغ کے مطابق فوری طور پر ممکنہ نقصانات یا جانی نقصان کی کوئی اطلاع نہیں ملی۔ اب تک کسی گروپ نے میزائل حملے کی ذمہ داری قبول نہیں کی ہے۔ واضح رہے کہ عراق میں اسلامی مزاحمت نے اکتوبر کے اوائل میں غزہ پر نسل کشی کی جنگ شروع ہونے کے بعد سے اسرائیلی اہداف پر حملے شروع کر دیے ہیں۔ خطے میں اسلامی مزاحمت نے واشنگٹن کی غزہ میں اسرائیلی نسل کشی کی حمایت کے جواب میں عراق اور ہمسایہ شام میں امریکی فوجی اڈوں پر بھی حملے کیے ہیں۔ اسرائیل غزہ کی پٹی کے خلاف خوفناک حملے کر رہا ہے، جس میں ہسپتالوں، رہائش گاہوں اور عبادت گاہوں کو نشانہ بنایا جا رہا ہے، جبکہ فلسطینی مزاحمت کی تحریکوں نے 7 اکتوبر کو "آپریشن الاقصی طوفان" کے نام سے ایک اچانک اور موثر آپریشن شروع کیا تھا۔