QR Code
نام نہاد پرامن احتجاج کی آڑ میں رینجرز، پولیس پر حملے قابل مذمت ہیں، وزیر اعظم
26 Nov 2024 10:44
وزیر اعظم کے بیان میں یہ بھی کہا گیا ہے کہ پولیس اور رینجرز اہلکار شہر میں امن و امان کے نفاذ کے لیے مامور ہیں اور انتشاری ٹولہ قانون نافذ کرنے والے اداروں کو دانستہ طور پر نشانہ بنا رہا ہے۔
اسلام ٹائمز۔ وزیراعظم شہباز شریف نے گاڑی سے کچلے گئے رینجرز اہلکاروں کی موت پر گہرے دکھ اور غم کا اظہار کرتے ہوئے واقعے میں ملوث افراد کی فوری نشاندہی کر کے انھیں سزا دلوانے کی ہدایت کی ہے۔ سرکاری ٹی وی کے مطابق وزیرِ اعظم کی جانب سے جاری بیان میں کہا گیا ہے کہ نام نہاد پرامن احتجاج کی آڑ میں پولیس اور رینجرز اہلکاروں پر حملے قابل مذمت ہیں۔ بیان میں یہ بھی کہا گیا ہے کہ پولیس اور رینجرز اہلکار شہر میں امن و امان کے نفاذ کے لیے مامور ہیں اور انتشاری ٹولہ قانون نافذ کرنے والے اداروں کو دانستہ طور پر نشانہ بنا رہا ہے۔
خبر کا کوڈ: 1174892