اسلام ٹائمز - مجھے یا میری فیملی کو کوئی نقصان پہنچا تو نون لیگ ذمہ دار ہوگی، آصف کرمانی

نون لیگ اپنے کارندوں اور اجرتی غنڈوں کو لگام دے

مجھے یا میری فیملی کو کوئی نقصان پہنچا تو نون لیگ ذمہ دار ہوگی، آصف کرمانی

اپنے ایک بیان میں نواز شریف کے سابق پولیٹیکل سیکرٹری کا کہنا تھا کہ دھمکی سے نہیں ڈرتا، قانونی چارہ جوئی کروں گا، مہنگائی، غربت کے خلاف اور مڈل کلاس نوجوانوں کے حق میں آواز اٹھاتا رہوں گا۔

اسلام ٹائمز۔ سابق سینیٹر آصف کرمانی کا کہنا ہے کہ فون پر دھمکی دی گئی ہے، نون لیگ کے خلاف بیان دے کر اچھا نہیں کر رہا، مجھے یا میری فیملی کو کوئی نقصان پہنچا تو نون لیگ کی قیادت ذمہ دار ہوگی۔ اپنے ایک بیان میں ڈاکٹر آصف کرمانی نے کہا کہ دھمکی سے نہیں ڈرتا، قانونی چارہ جوئی کروں گا، مہنگائی، غربت کے خلاف اور مڈل کلاس نوجوانوں کے حق میں آواز اٹھاتا رہوں گا۔ آصف کرمانی نے کہا کہ نون لیگ اپنے کارندوں اور اجرتی غنڈوں کو لگام دے۔ خیال رہے کہ نواز شریف کے سابق پولیٹیکل سیکرٹری آصف کرمانی نے جولائی میں پاکستان مسلم لیگ (ن) چھوڑنے کا اعلان کیا تھا۔ اپنے ایک بیان میں ڈاکٹر آصف کرمانی کا کہنا تھا کہ کافی عرصے سے خود کو مسلم لیگ (ن) کے سیاسی معاملات سے علیحدہ کرچکا تھا۔