QR Code
قابض صیہونی فوجیوں کے اجتماعات حزب اللہ لبنان کے نشانے پر
14 Nov 2024 23:08
لبنانی مزاحمتی تحریک نے اعلان کیا ہے کہ اسکے مجاہدین نے جنوبی لبنان و مقبوضہ فلسطین کے شمالی علاقوں میں غاصب صہیونی فوج کے اجتماعات کو 6 بار نشانہ بنایا ہے
اسلام ٹائمز۔ لبنانی اسلامی مزاحمتی تحریک نے اعلان کیا ہے کہ اس نے جنوبی لبنان اور شمالی مقبوضہ فلسطین میں قابض صیہونی فوج کے اجتماعات کو 6 بار نشانہ بنایا ہے۔ اس حوالے سے جاری ہونے والے اپنے ایک بیان میں حزب اللہ لبنان نے تاکید کی کہ اس نے مارون الراس نامى لبنانی قصبے کے اردگرد غاصب اسرائیلی فوج کی نقل و حرکت کو بھی 3 بار نشانہ بنایا ہے۔
عرب چینل الجزیرہ کے مطابق لبنانی مزاحمتی تحریک نے لبنان کے جنوب میں بنت جبیل اور العدیسہ کی بستیوں میں غاصب صہیونی فوجیوں کے اجتماعات کے مقامات سمیت مقبوضہ فلسطین کے شمال میں سعسع نامى غیرقانونی صہیونی بستی کو بھی اپنے تباہ کن میزائلوں کا نشانہ بنایا۔
خبر کا کوڈ: 1172610