QR Code

دمشق میں الزینبیہ کے علاقے پر غاصب صیہونی رژیم کا ہوائی حملہ، 5 شہید متعدد زخمی

10 Nov 2024 20:33

غاصب صیہونی رژیم کے لڑاکا طیاروں نے شامی دارالحکومت دمشق کے علاقے الزینبیہ میں ایک رہائشی عمارت کو متعدد میزائلوں کیساتھ نشانہ بنایا ہے جس سے 5 افراد شہید اور متعدد زخمی ہو گئے ہیں

اسلام ٹائمز۔ شامی ذرائع نے اعلان کیا ہے کہ غاصب صیہونی رژیم نے دارالحکومت دمشق کے جنوب میں واقع الزینبیہ کے علاقے پر حملہ کیا ہے جس کے بعد کئی ایک دوسرے دھماکوں کی آوازیں بھی سنی گئیں۔

رپورٹ کے مطابق اس حملے کے نتیجے میں کم از کم 5 افراد شہید اور متعدد زخمی ہوئے ہیں تاہم مقامی میڈیا کا کہنا ہے کہ ممکنہ جانی و مالی نقصانات سے متعلق اعدادوشمار حتمی نہیں۔ اس بارے شامی سرکاری خبررساں ایجنسی سانا (SANA) کا کہنا ہے کہ غاصب صیہونی رژیم کے اس حملے میں شہید ہونے والوں کی تعداد اب تک 5 ہے جبکہ 8 زخمی بھی ہوئے ہیں۔ 

تفصیلات کے مطابق غاصب اسرائیلی رژیم کے لڑاکا طیاروں نے مذکورہ حملے میں گنجان آباد علاقے الزیبنبیہ کی ایک کئی منزلہ رہائشی عمارت کو نشانہ بنایا درحالیکہ مقامی میڈیا کا کہنا ہے کہ یہ عمارت مکمل طور پر سویلین ہے اور اس کا کوئی فوجی استعمال نہیں۔

خبر کا کوڈ: 1171809