QR Code

غاصب اسرائیلی رژیم کو ہتھیاروں کی فروخت روکنے کیلئے سلامتی کونسل سے 52 ممالک کا مطالبہ

4 Nov 2024 23:14

ترک وزارت خارجہ نے اعلان کیا ہے کہ اسنے غاصب اسرائیلی رژیم کو ہتھیاروں کی ترسیل روکنے کیلئے 50 سے زائد ممالک کے دستخطوں کا حامل ایک خط اقوام متحدہ کو ارسال کیا ہے

اسلام ٹائمز۔ ترکی سمیت دنیا بھر کے 51 ممالک نے 2 بین الاقوامی اداروں کے ہمراہ اقوام متحدہ کی سلامتی کونسل کو ایک خط ارسال کیا ہے جس میں غاصب صیہونی رژیم کو مسلح کئے جانے سے روکنے کا مطالبہ کیا گیا ہے۔

ترک وزیر خارجہ ہاکان فیدان نے اس بارے اعلان کرتے ہوئے کہا ہے کہ اسرائیل کو ہتھیار فروخت کرنے کا مطلب "نسل کشی میں عملی طور پر حصہ لینا" ہے۔ قبل ازیں ترک صدر رجب طیب اردوغان نے بھی اسرائیل پر ہتھیاروں کی پابندی عائد کرنے کا مطالبہ کیا تھا۔ ترک صدر نے اس کارروائی کو غزہ میں جنگ کے خاتمے کے لئے ایک "موثر حل" قرار دیا اور زور دیتے ہوئے کہا تھا کہ جنگ غزہ کے خاتمے کے لئے اس صیہونی رژیم پر دباؤ بڑھانے کی خاطر اسرائیل کو مسلح ہونے سے روکنا انتہائی ضروری ہے۔

خبر کا کوڈ: 1170739