QR Code
ہم لڑاکا و ڈرون طیاروں سمیت کسی میزائل کو بھی اپنی سرزمین سے گزرنے کی اجازت نہ دینگے، اردن کا اعلان
2 Nov 2024 22:20
اس بات کا اعلان کرتے ہوئے کہ عمان کسی بھی قسم کے جنگی و ڈرون طیاروں اور میزائلوں کو اپنی فضائی حدود سے گزرنے کی اجازت نہیں دیگا، اردن نے خطے کے متحارب فریقوں سے مطالبہ کیا ہے کہ وہ اردنی خودمختاری کی خلاف ورزی نہ کریں!
اسلام ٹائمز۔ اردن کے حکومتی ترجمان محمد المومنی نے اعلان کیا ہے کہ عمان خطے کے بعض فریقوں کی جانب سے خاص طور پر ڈرون طیاروں کے ذریعے، اردن کی فضائی حدود کی خلاف ورزی کی کوششوں کو کسی صورت قبول نہیں کرے گا!
اردن کے حکومتی ترجمان نے کئی ایک ڈرون طیاروں کے اردنی سرزمین کے ساتھ آ ٹکرانے کے واقعے کی جانب بھی اشارہ کیا جو منگل کے روز اردنی صوبہ اربد کے ایک علاقے میں پیش آیا تھا۔ محمد المومنی نے اردنی خودمختاری کی خلاف ورزی کو ایک ایسا خطرناک عمل قرار دیا کہ جس سے عمان اب فوجی تنازعات کے قوانین کے تحت نمٹے گا اور اس سلسلے میں ضروری اقدامات اٹھائے گا۔
خبر کا کوڈ: 1170398