QR Code

بلاول بھٹو زرداری کو اگلا وزیراعظم پاکستان بنانا ہمارا مشن ہے، شگفتہ نورین کاظمی

14 Oct 2024 10:41

میڈیا سے گفتگو کرتے ہوئے ان کا کہنا تھا کہ چیئرمین پاکستان پیپلز پارٹی بلاول بھٹو چاہتے ہیں ملک کے اندر حقیقی معنوں میں جمہوریت پلے اور بڑھے ججز کی تعیناتیاں میرٹ پر ہوں۔

اسلام ٹائمز۔ نائب صدر پاکستان پیپلز پارٹی خواتین ونگ آزاد جموں و کشمیر شگفتہ نورین کاظمی نے کہا ہے کہ شہید ذوالفقار علی بھٹو اور شہید محترمہ بینظیر بھٹو کا پیغام گھر گھر پہنچانا، چیئرمین پاکستان پیپلز پارٹی بلاول بھٹو زرداری کو اگلا وزیراعظم پاکستان بنانا ہمارا مشن ہے۔ ان خیالات کا اظہار انھوں نے میڈیا سے گفتگو کرتے ہوئے کیا۔ انھوں نے کہا کہ پاکستان کے اندر آئینی ترمیم وقت کی اہم ضرورت ہے جس کا فائدہ عوام کو ہو گا، پاکستان پیپلز پارٹی کا اپنا مسودہ ہے میثاق جمہوریت میں آئینی عدالتوں کے قیام کی شق موجود تھی، 19 ویں ترمیم زبردستی کرائی گئی، اس پاور کو اٹھارویں ترمیم کے مطابق واپس لانے کی کوشش ہے۔ انھوں نے کہا کہ پاکستان پیپلز پارٹی عوامی جماعت ہے اور عوام کے حقوق کا تحفظ کرنا جانتی ہے، پاکستان پیپلز پارٹی کے قائدین نے جمہوریت کے لئے قربانیاں دی۔ انھوں نے کہا کہ چیئرمین پاکستان پیپلز پارٹی بلاول بھٹو چاہتے ہیں ملک کے اندر حقیقی معنوں میں جمہوریت پلے اور بڑھے ججز کی تعیناتیاں میرٹ پر ہوں تاکہ غریب عوام کو انصاف ان کی دہلیز پر مل سکے۔انھوں نے کہا کہ پاکستان پیپلز پارٹی کے قائدین نے جو فیصلہ کیا وہ ملک اور عوام کے مفاد میں کیا انشاءاللہ اس بار بھی پاکستان پیپلز پارٹی کا فیصلہ حقیقی معنوں میں عوام کی فلاح و بہبود کے لئے ہو گا۔

خبر کا کوڈ: 1166361