QR Code
آئینی عدالت کے قیام سے تمام صوبوں کی یکساں نمائندگی ممکن ہوسکے گی، سرفراز بگٹی
13 Oct 2024 19:11
اپنے پیغام میں وزیراعلیٰ بلوچستان سرفراز بگٹی نے کہا کہ آئینی عدالت کے قیام سے تمام صوبوں کی یکساں نمائندگی ممکن ہوسکے گی اور چھوٹے صوبوں کی احساس محرومی کا مدوا ہوگا۔
اسلام ٹائمز۔ وزیراعلیٰ بلوچستان سرفراز بگٹی نے کہا ہے کہ وفاقی آئینی عدالت کی تجویز تمام صوبوں خصوصاً بلوچستان کے لئے نیک شگون ثابت ہوگی اور مساوی بنیادوں پر بلوچستان سمیت تمام صوبوں کی آواز سنی جاسکے گی۔ سماجی رابطہ کی ویب سائٹ پر اپنے پیغام میں وزیراعلیٰ سرفراز بگٹی نے چئیرمین پیپلزپارٹی بلاول بھٹو زرداری کو آئینی عدالت کا پروپوزل پیش کرنے پر خراج تحسین پیش کرتے ہوئے کہا کہ آئینی عدالت کے قیام سے تمام صوبوں کی یکساں نمائندگی ممکن ہوسکے گی اور چھوٹے صوبوں کی احساس محرومی کا مدوا ہوگا۔ وزیراعلی بلوچستان کا کہنا تھا کہ چئیرمین بلاول بھٹو زرداری کی بصیرت کے نقطہ نظر پر فخر ہے۔ امید ہے بلوچستان کی قوم پرست جماعتیں بھی اس اقدام کی حمایت کریں گی۔
خبر کا کوڈ: 1166241