اسلام ٹائمز - الہدہد انٹیلیجنس آپریشن کی بنیاد پر حزب اللہ لبنان کیجانب سے اہم اسرائیلی ایئر بیس پر کامیاب حملہ

الہدہد انٹیلیجنس آپریشن کی بنیاد پر حزب اللہ لبنان کیجانب سے اہم اسرائیلی ایئر بیس پر کامیاب حملہ

لبنانی مزاحمتی محاذ نے اعلان کیا ہے کہ اسنے اپنے منفرد انٹیلیجنس آپریشن کے 2 ماہ بعد گذشتہ شب اہم اسرائیلی ایئربیس رامات ڈیوڈ پر کامیاب میزائل حملہ کیا ہے

اسلام ٹائمز۔ لبنانی مزاحمتی تحریک حزب اللہ نے تقریبا 2 ماہ قبل انجام پانے والے اپنے "ہدہد انٹیلیجنس آپریشن" کے دوران الہدہد نامی ڈرون طیارے سے لی گئی تصاویر و فوٹیج کی مدد سے اہم اسرائیلی ایئربیس رامات ڈیوڈ کو گذشتہ شب درجنوں تباہ کن میزائلوں کے ساتھ کامیابی سے نشانہ بنایا ہے۔

واضح رہے کہ غیرقانونی و سفاک صیہونی رژیم کا یہ ہوائی اڈہ اہم فضائی اڈوں میں سے ایک شمار ہوتا ہے جہاں غاصب صیہونی رژیم کی F-16C لڑاکا طیاروں سے لیس 101ویں فضائی بٹالین، F-16D لڑاکا طیاروں سے لیس 105ویں فضائی بٹالین، 109ویں فضائی بٹالین، 2 ڈرون بٹالینز اور 1 ہیلی کاپٹر بٹالین تعینات ہے۔

رپورٹ کے مطابق رامات ڈیوڈ نامی اسرائیلی ایئر بیس پر پر میزائلوں کی مذکورہ بارش، قابض صیہونی وزیر جنگ یوایو گیلنٹ کی جانب سے اس اہم ایئربیس کے دورے کے ایک ہفتے کے بعد انجام پائی ہے۔ اس حوالے سے اسرائیل آرمی ریڈیو کے رپورٹر نے سوشل میڈیا پر جاری ہونے والے اپنے ایک پیغام میں انکشاف کیا ہے کہ یوایو گیلنٹ (صیہونی وزیر جنگ) نے گزشتہ بدھ کے روز ہی رامات ڈیوڈ ایئربیس کا دورہ کیا اور وہاں ایک تصویر بنوائی تھی جس کا عنوان یہ رکھا گیا تھا: "جنگ میں ایک نئے مرحلے کا آغاز"! تاہم ایسا لگتا ہے کہ حزب اللہ لبنان بھی اپنے اس تازہ میزائل آپریشن سے کوئی خاص پیغام دے رہی ہے!