QR Code

اسرائیلی فوجیوں کا رام اللہ میں الجزیرہ کے دفتر پر حملہ

22 Sep 2024 10:22

قابض فوجیوں نے عمارت کے داخلی دروازے کو دھماکے سے اڑا کر اندر داخل ہو گئے اور تمام سامان ٹرکوں میں لاد کر اپنے ساتھ لے گئے۔ اسرائیلی حکومت نے چار ماہ قبل بھی مقبوضہ بیت المقدس میں الجزیرہ کے دفتر کو سیل کیا تھا۔

اسلام ٹائمز۔ اسرائیلی فوجیوں نے مغربی کنارے کے مرکز رام اللہ میں الجزیرہ کے دفتر پر حملہ کرکے اسے سیل کر دیا اور تمام سامان ضبط کر لیا۔ فارس نیوز کے مطابق الجزیرہ نیٹ ورک نے خبر دی ہے کہ اسرائیلی فوجیوں نے رام اللہ میں الجزیرہ نیٹ ورک کی عمارت پر حملہ کیا اور اسے سیل کر دیا۔ نیٹ ورک کے عملے کو بتایا گیا ہے کہ 45 دن تک انہیں کام کرنے کی اجازت نہیں ہوگی۔ نیٹ ورک کے مطابق قابض فوجیوں نے عمارت کے داخلی دروازے کو دھماکے سے اڑا کر اندر داخل ہو گئے اور تمام سامان ٹرکوں میں لاد کر اپنے ساتھ لے گئے۔ اسرائیلی حکومت نے چار ماہ قبل بھی مقبوضہ بیت المقدس میں الجزیرہ کے دفتر کو سیل کیا تھا۔

خبر کا کوڈ: 1161582