QR Code
مراد علی شاہ کی بارشوں سے تباہ شدہ سکولوں کی تعمیر جلد مکمل کرنیکی ہدایت
21 Sep 2024 00:21
وزیراعلیٰ سندھ نے تباہ شدہ سکولوں کو چین کی گرانٹ سے تعمیر کی سکیم منظور کرکے جلد مکمل کرنیکی ہدایت کردی۔ وزیراعلیٰ سندھ نے کہا کہ ورلڈ بینک کی مدد سے 833 تباہ شدہ سکولوں کا تعمیری کام جاری ہے۔
اسلام ٹائمز۔ وزیراعلیٰ سندھ مراد علی شاہ کی زیر صدارت بارشوں میں تباہ حال سکولوں کی تعمیر سے متعلق اجلاس ہوا۔ وزیر تعلیم سردار شاہ نے وزیراعلیٰ سندھ کو بارشوں سے متاثرہ سکولوں کی عمارتوں کے حوالے سے بریفنگ دی، وزیراعلیٰ سندھ نے تباہ شدہ سکولوں کو چین کی گرانٹ سے تعمیر کی سکیم منظور کرکے جلد مکمل کرنیکی ہدایت کردی۔ وزیراعلیٰ مراد علی شاہ نے کہا کہ ورلڈ بینک کی مدد سے 833 تباہ شدہ سکولوں کا تعمیری کام جاری ہے۔
خبر کا کوڈ: 1161328