QR Code

روسی نائب وزیرِ اعظم کل 2 روزہ دورے پر پاکستان آئیں گے

17 Sep 2024 16:17

نجی ٹی وی کے مطابق ترجمان دفتر خارجہ نے کہا ہے کہ پاک روس خوشگوار تعلقات تجارتی، توانائی اور رابطے کے شعبوں میں تعاون کے عکاس ہیں۔

اسلام ٹائمز۔ دفتر خارجہ کی ترجمان کا کہنا ہے کہ روسی نائب وزیرِ اعظم الیکسی اوورچوک کل 2 روز کے دورے پر پاکستان آئیں گے۔ اس حوالے سے ترجمان دفتر خارجہ ممتاز زہرہ بلوچ کا کہنا ہے کہ روسی نائب وزیرِ اعظم پاکستان کے صدر، وزیرِ اعظم اور وزیرِ خارجہ سے ملیں گے۔ نجی ٹی وی کے مطابق ترجمان دفتر خارجہ نے کہا کہ پاکستان اور روس کے درمیان خوشگوار تعلقات موجود ہیں۔ ممتاز زہرہ بلوچ کا کہنا ہے کہ پاک روس خوشگوار تعلقات تجارتی، توانائی اور رابطے کے شعبوں میں تعاون کے عکاس ہیں۔

خبر کا کوڈ: 1160577