اسلام ٹائمز - بیرسٹر سلطان سے چوہدری انوارالحق کی ملاقات

دونوں رہنمائوں کا بھارتی مظالم، مقبوضہ کشمیر میں سنگین صورتحال پر تشویش کا اظہار، عالمی برادری سے نوٹس لینے کا مطالبہ۔

اسلام ٹائمز۔ صدر آزاد جموں و کشمیر بیرسٹر سلطان محمود چوہدری سے وزیراعظم آزاد جموں و کشمیر چوہدری انوارالحق کی ایوان صدر کشمیر ہائوس اسلام آباد میں تفصیلی ملاقات۔ اس موقع پر صدر ریاست آزاد جموں و کشمیر بیرسٹر سلطان محمود چوہدری اور وزیراعظم آزاد جموں و کشمیر چوہدری انوارالحق نے مقبوضہ جموں و کشمیر میں جاری بھارتی مظالم اور وہاں کی سنگین صورتحال پر تشویش کا اظہار کیا اور عالمی برادری سے اس پر نوٹس لینے کا مطالبہ بھی کیا اور اس امر کا اعادہ کیا کہ حکومت آزاد کشمیر تحریک آزادی کشمیرکو عالمی سطح پر اُجاگر کرنے اور مقبوضہ کشمیر میں جاری انسانی حقوق کی پامالیوں کے خلاف آواز اُٹھانے کے لئے کوئی دقیقہ فروگزاشت نہیں کرے گی اور اس سلسلے میں ہر فورم پر اپنا بھرپور کردار ادا کرے گی۔ اس موقع پر دونوں رہنمائوں نے آزادکشمیر کی تعمیر و ترقی، عوامی مسائل حل کرنے پر بھی زور دیا جبکہ آزادکشمیر میں گڈگورننس کے قیام پر بھی مفصل بات چیت کی گئی۔ اس موقع پر ملاقات میں صدر ریاست آزاد جموں و کشمیر بیرسٹر سلطان محمود چوہدری اور وزیر اعظم آزاد جموں و کشمیر چوہدری انوارالحق نے آزادکشمیر کی سیاسی صورتحال پر بھی تفصیلی گفتگو کی۔ اس موقع پر صدر ریاست آزاد جموں و کشمیر بیرسٹر سلطان محمود چوہدری اور وزیر اعظم آزاد جموں و کشمیر چوہدری انوارالحق کے درمیان باہمی دلچسپی سمیت دیگر امور پر بھی تبادلہ خیال کیا گیا۔