QR Code
علامہ شبیر میثمی کی "جعفریہ طلباء کنونشن" میں خصوصی شرکت، نومنتخب مرکزی صدر سے حلف لیا
20 Nov 2023 10:14
ایس یو سی پاکستان کے مرکزی سیکرٹری جنرل نے طلباء کی ذمہ داریوں پر اہم خطاب کیا اور نومنتخب مرکزی صدر سال 2024-25 جعفریہ اسٹوڈنٹس آرگنائزیشن پاکستان محمد اکبر سے حلف بھی لیا۔
اسلام ٹائمز۔ شیعہ علماء کونسل پاکستان کے مرکزی سیکرٹری جنرل علامہ ڈاکٹر شبیر حسن میثمی نے 19 نومبر 2023ء کو نوابشاہ سندھ میں منعقدہ پندرہویں تین روزہ "جعفریہ طلباء کنونشن" کے تیسرے اور آخری روز خصوصی طور پر شرکت کی۔ جوانان جعفریہ کی جانب سے مرکزی سیکرٹری جنرل کا پُرتپاک استقبال کیا گیا۔ بعد ازاں مرکزی سیکرٹری جنرل نے طلباء کی ذمہ داریوں پر اہم خطاب کیا اور نومنتخب مرکزی صدر سال 2024-25 جعفریہ اسٹوڈنٹس آرگنائزیشن پاکستان محمد اکبر سے حلف بھی لیا۔ پاکستان بنایا تھا، پاکستان بچائینگے، کے فلک شگاف نعروں اور دعاء امام زمانہ علیہم السلام سے پروگرام کا اختتام کیا گیا۔
خبر کا کوڈ: 1096961