QR Code
یونس ڈاگھا سے قلمدان واپس لینے کی وجوہات سامنے آگئیں
17 Sep 2023 21:37
نگراں سندھ حکومت کے ذرائع نے بتایا کہ یونس ڈاگھا نے عالمی بینک کی رائے سے متعلق میڈیا کو غلط معلومات فراہم کیں۔ دوسری جانب نگراں وزیر یونس ڈاگھا نے کہا کہ قلم دان تبدیل ہونے کے معاملے پر کوئی موقف نہیں دینا چاہتا۔
اسلام ٹائمز۔ سندھ کے نگراں وزیر یونس ڈاگھا سے محکمہ خزانہ اور منصوبہ بندی و ترقیات کا قلم دان واپس لینے کی وجوہات سامنے آ گئیں۔ ذرائع نگراں سندھ حکومت کے مطابق یونس ڈاگھا کی جانب سے مختلف وزارتوں میں دخل اندازی کی جا رہی تھی، تعلیم و صحت کے شعبوں کے فنڈز کے اجرا میں غیر ضروری رکاوٹیں ڈالنا قلم دان لینے کا سبب بنا۔ ذرائع نے بتایاکہ ادارہ برائے امراضِ قلب، ای آئی یو ٹی اور سندھ ایجوکیشن فاؤنڈیشن کے فنڈز کے اجرا میں تاخیر بھی قلم دان کی تبدیلی کا سبب بنی۔ نگراں سندھ حکومت کے ذرائع نے بتایا کہ یونس ڈاگھا نے عالمی بینک کی رائے سے متعلق میڈیا کو غلط معلومات فراہم کیں۔ دوسری جانب نگراں وزیر یونس ڈاگھا نے کہا کہ قلم دان تبدیل ہونے کے معاملے پر کوئی موقف نہیں دینا چاہتا۔
خبر کا کوڈ: 1082184