اسلام ٹائمز - سکردو، عظمت شہداء کانفرنس سے مقررین کا خطاب

ایم ڈبلیو ایم کی جانب سے ہر سال سکردو یادگار شہدا پر یہ کاںفرنس منعقد کی جاتی ہے۔ آج کی اس کانفرنس میں عوام کی بڑی تعداد شریک ہوئی جبکہ تحریک انصاف کے مقامی رہنما، انجمن امامیہ بلتستان کے صدر سید باقر الحسینی، گلگت بلتستان عوامی تحریک کے رہنماؤں نے بھی شرکت کی۔

اسلام ٹائمز۔ مجلس وحدت المسلمین کے زیر اہتمام سکردو میں سالانہ عظمت شہداء و حمایت فلسطین کانفرنس کا انعقاد کیا گیا جس میں جماعت کے مرکزی و صوبائی قائدین سمیت عوام کی بڑی تعداد شریک ہوئی۔ کانفرنس سےعلامہ راجہ ناصر عباس جعفری چئیرمین ایم ڈبلیو ایم، سیکرٹری جنرل ناصر شیرازی، شیخ نئیر عباس مصطفوی، رکن اسمبلی اکبر علی رجائی، علامہ مشتاق حکیمی، شیخ علی محمد کریمی، علامہ میرزا یوسف حسین، سمیت دیگر مقررین نے خطاب کرتے ہوئے شہداء اسلام کو خراج عقیدت و سلام پیش کیا۔ کانفرنس کے آخر میں گلگت بلتستان کے صوبائی صدر آغا علی رضوی نے تمام مہمانوں اور شرکاء کا شکریہ ادا کیا، اور شہداء کے رستے پر چلنے کا عزم و اعادہ کرتے ہوئے کہا کہ شہدا ہمارے سروں کا تاج ہیں اور ہمارے لئے مشعل راہ ہیں۔