QR Code

سندھ میں المجلس ویلفیئر آرگنائزیشن کی امدادی مہم

6 Sep 2022 16:36

المجلس ویلفیئر آرگنائزیشن کی جانب سے مخیر خواتین و حضرات کے تعاون سے جمع کردہ کئی لاکھ روپے مالیت کا امدادی سامان کپڑے، خشک اجناس، منرل واٹر، بسکٹ، برتن، خیمہ و دیگر اشیائے ضروریہ ضلع دادو کی مختلف تحصیلوں جھانگارہ، لکی صدر، سہیون، حیدر گوٹھ، آمری قاضی احمد روڈ پر موجود سیلاب متاثرین میں تقسیم کیا گیا۔

اسلام ٹائمز۔ مجلس وحدت مسلمین پاکستان کے فلاحی شعبہ المجلس ویلفیئر آرگنائزیشن کی جانب سے مسلسل بارش و سیلاب متاثرین کی امداد کا سلسلہ جاری ہے۔ مختلف مقامات پر سیلاب میں پھنسے ہوئے لوگوں کو پانی سے نکالا جا رہا ہے، سندھ کے دور دراز علاقوں میں راشن کی تقسیم کا عمل بھی جاری ہے اور متاثرین کے لئے مختلف مقامات پر مفت میڈیکل کیمپس کا انعقاد بھی کیا جا رہا ہے۔ المجلس ویلفیئر آرگنائزیشن ضلع ملیر کی جانب سے مخیر خواتین و حضرات کے تعاون سے جمع کردہ کئی لاکھ روپے مالیت کا امدادی سامان کپڑے، خشک اجناس، منرل واٹر، بسکٹ، برتن، خیمہ و دیگر اشیائے ضروریہ ضلع دادو کی مختلف تحصیلوں جھانگارہ، لکی صدر، سہیون، حیدر گوٹھ، آمری قاضی احمد روڈ پر موجود سیلاب متاثرین میں  تقسیم کیا گیا۔

خبر کا کوڈ: 1013037