Islam Times - Gəncədə polis əməkdaşı odlu silahla iki nəfəri güllələyib

IslamTimes - Gəncə şəhər prokurorluğundan bazar ertəsi Trend-ə verilən məlumata görə, dünən axşam saatlarında Gəncənin Kəpəz rayon polis şöbəsinin əməkdaşı, baş leytnant Eldəniz Məmmədov xidməti silahı ilə polis əməkdaşına və bir mülki şəxsə atəş açıb.

Hər iki şəxs ağır yaralanıb.
Gəncə şəhər prokurorunun köməkçisi Elnar Hüseynov Trend-ə bildirib ki, avqustun 15-nə keçən gecə saat 02:30 radələrində Heydər Əliyev prospekti 83 saylı binanın qarşısında Kəpəz rayon polis şöbəsinin əməliyyat müvəkkili, polis leytnantı, Məmmədov Eldəniz İbrahim oğlu 1984-cü il təvəllüdlü Rövşən Məmmədovun idarə etdiyi avtomobili maqnitafonu yüksək səslə oxutduğu səbəbindən saxlatdırıb.
O, üstündə gəzdirdiyi "Makarov" markalı silahla Məmmədova bir dəfə atəş açaraq ona sol qolundan xəsarət yetirib. Hadisə zamanı Məmmədovun yanında bir polis əməkdaşı da olub.
Faktla bağlı Gəncə şəhər prokuroluğunda Cinayət Məcəlləsinin vəzifə səlahiyyətini aşma-zor tətbiq etməklə və ya zor tətbiq etmə hədəsi ilə törədildikdə, yaxud silah və digər xüsusi vasitələrdən istifadə etməklə törədildikdə və ya ağır nəticələrə səbəb olduqda (309.2) maddəsi ilə cinayət işi başlanıb.
Məmmədov hələlik saxlanılmayıb. /Musavat/